Pow an Lynnyn
Pow an Lydnow, aswonys ewedh avel Tir Lydnow po an Lydnow, ew tiredh menedhyek en north-west Pow an Sowson. Gerys-da ew an teller ma rag dy’golyow, meur a vri awos y lydnow, kosow ha menedhyow. Kowethys ew gen awtours pekar a William Wordsworth, Samuel Taylor Coleridge, Beatrix Potter hag Arthur Ransome. Fondys veu Park Kenedhlek Pow an Lydnow en 1951, gen myns a 2,362 kilometer pedrek. Apoyntys veu avel Ertachva an Bes UNESCO en 2017. Dres 15 milvil a dus a dheu dhe’n Park Kenedhlek pub bledhen.
 | |
| Sort |
kadon menydhyow, ranndir, lake area  |
|---|---|
| Fondys |
1951 |
| Doronieth | |
| Ranndir gwithans |
Park Kenedhlek Pow an Lynnyn |
| Konteth |
Cumbria, Konteth Evrek North |
| Gwlas |
Ruvaneth Unys |
| Arenebedh |
2,362 ±1 km² |
| A-ugh an mor |
978 Meter |
| Kesordnogyon |
54.5°N 3.1667°W |
| Hys |
55 |
| Menystrys gans |
Lake District National Park Authority |
 | |
| Studh ertach |
Ertachva an Bys UNESCO |
| Manylion | |
Desedhys ew oll Pow an Lydnow en konteth Cumbria. Kens 1974 rydnys o an triedh tredh tri honteth koth, h.y. Cumberland, Westmorland ha Konteth Karhirbre (Lancashire en Sowsnek).
Ma oll an tir uhel en Pow an Sowson dres 3,000 tros-hes (914 m) a-ugh level an mor ow sevel a-ji an Park Kenedhlek, ow komprendya Scafell Pike,menedh an uhella Pow an Sowson. Ev a gomprehend an lydn downa ha’n lydn moyha en Pow an Sowson, h.y. Wast Water ha Windermere en kettep pedn.
Komplek ew dororieth Pow an Lydnow. Batholith a ven growan en-dadn an tiredh a gawsas an menedhyow hag ew gwres dhort legh, karrygi loskvenydhyek ha leysveyn.
Pur leb ew ayredh Pow an Lydnow, gen an teller glyppa en Pow an Sowson, Seathwaite, gen 3,300 mm a law en kresek pub bledhen. Pur wenjek ew ewedh hag ma toppys an menedhyow ow receva awelyow dres 100 dedh an vledhen en kresek. En despit dhe hebma, klor ew tempredhow dell ew usys. Awos an ayredh, maga deves a wra bargednyow tir Pow an Lydnow. Herdwick ha Rough Fell ew an chif ehednow.
Ma an erthygel ma usya an Furv Skrifys Savonek a-barth Kernowek diwedhes.