Priweyth

Priweyth yw an stoff soled gwrys a bri. Eghennow posek yw priweyth dor (earthenware), priweyth men (stoneware) ha priweyth China (porcelain). An tyller mayth yw gwrys priweyth yw priweythva. Priweyth a styr art po kreft an priweyther po gwrians priweyth.

Ensampel a	teknek artys gweladow, dornweyth
Klass	crafting, plastic arts
Askor	taklow priweyth, ceramic art
Restrennow kelmys war Gemmyn Wikimedia

Priweyth lymnys Hen Ejyp yn gwithti yn Paris, Pow Frynk

Priweyth dor sempel rag devnydh pubdedhyek: priweyth diskudhys yn Çatal Höyük - hweghves milvledhen KOK

Artek ha hewul: lester bleujyow grek gans figurys rudh yn shap krater, ynter 470 ha 460 KOK, gans an lymner Altamura

Taklow priweyth yw gwrys a bri glyb kemyskys ha stoffow erel. Awosa i yw res yn forn arbennik (oden) yn tempredhow ughel. Gorra tan y'n pri a'n kalesha. An priweythor a worr kenn gwedrek wosa henna kyns gorra tan ynno arta. An kenn gwedrek a wra enep an priweyth splann, afinys ha stanch.

Treweythyow priweythoryon a wra taklow nag eus devnydh dhedha, mes dell yw artek po gwavyansow hepken. Taklow priweyth heb kenn gwedrek yw henwys bisque po priweyth dor. An gwella taklow priweyth, gwrys a briweyth China, yw krev mes treusplanadow.

Istori priweyth

Priweyth a dhallathas kyns an oos Neolithek. An ensampel a-varra diskudhys yw a Europa est, dedhyes nans yw 25,000 bledhen po a-varra. Figur benen yw aswonnys avel 'Gwener Dolní Věstonice', a dyller paleolithek yn Moravia, Pow Chek. Gwrys veu martesen avel rann a dhevos frothuster.

A-dhia devisyans ammeth, ha drehevel citys, kofennow rag boos ha diwes yw kevys yn ogas pub tyller hendhyskoniethel.

An Priveythvaow

Styr an Priweythvaow yw ranndir Stoke-on-Trent yn Pow Sows. Yth esa hwegh tre, Tunstall, Burslem, Hanley, Stoke, Fenton and Longton, oll anedha rann a Stoke-on-Trent lemmyn.

An ranndir ma o kres an diwysyans priweyth sowsnek. Yth esa proviansow leel a bri, holan, plomm ha glow. Dowrgleudhyow veu usys rag treusperthi an askorras dhe remenans an pow. An ranndir a esperthas priweyth 200 bledhen, 1760 dhe 1960. Onan a briweythoryon moyha a vri a Stoke-on-Trent o Clarice Cliff. Lestri plastek wosa Nessa Bresel an Bys hag askorrans priweyth isel y bris a dhistruis an diwysyans priweyth y'n Priweythvaow.

• 
  Den ow kul priweyth
• 
  Ros goth priweyther yn Erfurt, Almayn
• 
  Benen ow kul priweyth
• 
  Seghi priweyth
• 
  Priweythva hengovek,Bangladesh
• 
  Ensampel a blat Clarice Cliff

Onan a'n mil erthygel posekka war Wikipedya yw an erthygel ma.