Elven gymyk yw thoriom, niver 90 y'n Vosen Beriodek. Y furvell yw Th. An hanow a dheu dhyworth hanow duw Loghlyn, Thor. Elven gwann y radyoweythresans yw. Diskudhys veu an moon thorit gans Morten Thrane Esmark (1801-1882), pronter ha moonydh a Telemark yn Norgagh, yn 1828. Aswommys veu gans Jöns Jacob Berzelius an vledhen nessa. Pub isotop yw radyoweythresek. An hanter-bewnans hirra yw dhe thoriom-232, hemm yw 14.05 bilvil bledhen, oos an Ollvys.

Thorium sample 0.1g.jpg
Th-TableImage.svg
Ensampel a'n re ma a sew Elven gymyk Edit this on Wikidata
Dydhyas diskudhans 1828 Edit this on Wikidata
Niver atomek 90 Edit this on Wikidata
ElektronegedhegedhEdit this on Wikidata
Studh oksidyans 4, 3, 2, 1 Edit this on Wikidata
Rann a period 7, aktinid Edit this on Wikidata
Commons page Ffeiliau perthnasol ar Gomin Wicimedia

Ny veu devnydh vytholl dhe thoriom bys dhe 1885, pan veu devisys an vantel gass gans Carl Auer von Welsbach. Mantylli gass a wrug usya thoriom oksid dhe wul golow. Thoriom o an nessa elven diskudhys bos radyoweythresek wosa uraniom. Usys veu awosa yn priweyth, lugern ha katalydhyon. Dres an bledhynnyow, usys veu thoriom le ha le. Mes nebes gwlasow a vynn devnydhya thoriom rag tredanvaow nuklerek, kepar hag Eynda. Eynda a vynn drehevel 62 dasoeberor thoriom erbynn 2025, ha 30% a'y askorrans treden erbynn 2050. Askorrys yw thoriom warbarth elvennow dor-tanow dhyworth monazit.

Poos atomek thoriom yw 232.04, y boynt teudhi yw 1750°C ha'y boynt bryjyon yw 4788°C. Y dhosedh yw 11.7kg an liter. Alkan arghansek kales mes es y dhyghtya yw, hag a dreyl du yn ayr.

MirvaChanjya