Ygeri an bennrol

Wikipedia β

Wikipedia:An tavern

ODonoghue pub Dublin Ireland.jpg
Naxos Taverna.jpg
An Tavern

Dynnargh dhe davern Wikipedya, le rag govynnow, profyansow, gweres ha kows ollgemmyn a-dro dhe Wikipedya.
  • Rag gorthebi messajys, klyckyewgh war an gevren "chanjya". Mar pleg, sinewgh agas messajys gans peswar tilde (~~~~), po klyckyewgh war an boton Button sig.png.
06:30:38 (Termyn an servyer)


An nor Don't speak Cornish?

Leave a message in the Cornish embassy.

Kovskrifen Kovskrifen



Orgraf an wikiChanjya

A yllyn ni ervira war unn orgraf dhe usya rag ynterfas an wiki? Pan esen omma an diwettha tro, skrifys veu yn swf/m, mes lemmyn yth yw yn swf/t. Ny dal an wiasva-ma bos stankva rag neb oll yw gorgemerys gans lytherennans, ytho gwren akordya war unn orgraf rag an ynterfas hag y witha. Py orgraf yw da genowgh? --Morlader (kescows) 12:21, 15 Kevardhu 2012 (UTC)

Ny wora'vy piw usi orth y janjya, da via genam usya SWF/M. Mars yw nebes moy tus unnver gans hebma, martesen ni a ell keworra rowl obma. Moon (kescows) 01:11, 16 Kevardhu 2012 (UTC)
Wel, ogas ha SWF/T po SWF/M yw, mes yn gwiryonedh kler yw na wodhons lytherenna mann, an dus a janj an orgraf ha'n erthyglow - kynth yw lytherennans pur poesek dhedha, dell hevel! Ha treweythyow euthyk kamm yw an Kernewek, mes yndella yth yw an Wikipedia Kernewek. Gwell via an SWF/M heb dhout drefenn bos honna devnydhys rag 'taklow poblek' herwydh MAGA. Mes mars yw chanjys arta nebonan a wra diswul an chanjyow - gwari teg mes gokki.2.31.129.55 18:16, 14 Genver 2013 (UTC)

MenystrerChanjya

Drefen bos an wiki ma ow kweles moy devnydh a-gynsow, my a grys y'n jeves edhom a venystrer, ytho my re wovynnas hedhas menystrer arta omma [1]. --Moon (keskows) 21:49, 15 Metheven 2013 (UTC)

KlassysChanjya

My a wor y hyll tus skrifa erthyglow y'n orgraf y honan, mes a ny via gwell kavos pub klass y'n FSS? Payn gwir y'n din yw hwilas hanow an klass y'n wiki kyns y geworra dhe erthyglow. A yllyn ni akordya war rewl nowyth? --Morlader (keskows) 14:53, 11 Gortheren 2013 (UTC)

Nyns eus denvyth omma sos! 109.176.182.126 04:10, 21 Gortheren 2013 (UTC)
Yth esos tejy... --Morlader (keskows) 09:05, 25 Gortheren 2013 (UTC)

Chanjyow dhe'n Folenn DreChanjya

Ottomma nebes chanjyow a dal bos gwrys dhe'n folenn dre (henn yw, kepar dell yw hedhyw. Piw a woer fatell vydh a-vorow):
dhe weres dhyn -> dh'agan gweres
yn unn welhe -> dre welhe
hag yn unn ynkressya -> ha der ynkressya
war an kesrosweyth -> y'n kesrosweyth
an guntel -> an kuntel
a'n jeves an wiasva -> a's teves an wiasva
rol dien -> rol dhien
an kemeneth -> an gemeneth
hwans dhe dhyski -> hwans a dhyski
devnydhyoryon byw -> devnydhyoryon vyw
2.29.33.251 20:19, 28 Gortheren 2013 (UTC)

Tus a dhevnydh an wiasva a ervir war dhesin an bennfolen, mar ny'n devnydhydh, ny'th eus gwir dhe grodhvola pan vo chanjyes. Nyns esov mes owth assaya dri nebes kessenyans dhe'n wiasva, ha herdhya an kudynnow orgrafek yn termyn eus passyes. Meur ras rag an ewnheansow, my a skrifas an tekst yn unn fistena (gans "hwans" y hyllir devnydhya "a" po "dhe" aga dhew, mes my a'n chanjyas dhe "a" rag gwitha an kres). Martesen da via genes gwruthyl akont ha dalleth skrifa nebes erthyglow? --Moon (keskows) 20:46, 28 Gortheren 2013 (UTC)
Mes nyns yw henna gwir! Unn person a ervir desin an bennfolen. Ha hi (ha'y lytherennieth) a janj pub tri mis. Mes gweth ages henna, yma tus a vynn chanjya ger po lavar omma ha ger po lavar ena y'n erthyglow (heb konvedhes an pyth a wrons, heb mar) - ny vern mars eus polisi erbynn fara a'n par na. Ha rakhenna yma lemmyn erthyglow skrifys yn neb kemmysk euthyk a lytherenniethow.
My a skrifas erthyglow rag an Wikipedia ma nans yw termyn hir, mes ena an vroweghysi lytherennans a dheuth ha shyndya lies erthygel ha lemmyn ny vynnav skoelya an termyn ow skrifa erthyglow a vydh chanjys herwydh bodh nebonan na woer ogas ha travyth a-dro dhe'n yeth mes a gris bos neb chanj gwiw drefenn ev/hi dhe redya neppyth a-dro dhodho y'n kesroesweyth. Mes chons da, Moon. Mar kyllydh dri kessenyans dhe'n Wikipedia kernewek ha gul vri a bub eghenn a Gernewek, martesen lies den a wra skrifa erthyglow y'n termyn a dheu.

Branvras (keskows) 10:21, 29 Gortheren 2013 (UTC)

Wel, unn berson a dhevnydh an wiasva war an diwedh, ytho unn berson a ervir desin an bennfolen! Ny via an bennfolen chanjyes a-dhia mis Me 2012, ytho neb peswardhek mis. A ny brederydh hi dhe heveli gwell lemmyn? Drehevys yw an wiasva gans an dus a's devnydh, ytho nyns yw marnas skeus a'y devnydhyoryon. Mars yw deray, yndella yth yw hy devnydhyoryon! Yma moy es 2,500 erthygel, ny allav aga hempenna oll ow honan (my a'm beus bewnans). Mar prederydh bos skoll a dermyn ynkressya an myns a Gernewek war an kesrosweyth, po gwruthyl asnodh warlinen a yll tus devnydhya rag gwellhe aga Hernewek (pypynag a vo studh Kernewek an wiasva y'n pols-ma), wel dha dhewis jy yw. --Moon (keskows) 16:48, 29 Gortheren 2013 (UTC)

Leverys yn ta, Branvras. Nyns yw es perthi an chanjyow heb us a welyn omma (rag ensampel: avon - river - ryver - dowr - avon arta; kernewek - kernowek - kernowak - kernewek arta; yma ensamplow erell, heb mar). Nyns yw an ger y honan an kudynn. Mar mynn nebonan skrifa 'kernewek' po 'kernowek' po 'curnowak' y tal bos gesys yndella heb chanjyow didhiwedh. Ha'n brassa kudynn yw, pan yw neppyth chanjys y'n vaner na, spas 'owrek' yw rag 'bresel flamm' dhe sordya ha ny hwer henna saw awos fowt a bennskriforyon. My a aswonn tus na vynn dos dhe'n wiasva ma drefenn bos an fara na mar annius.
Moon, nyns ens marnas profyansow. Mars yw 'hwans dhe' gwell genes (ha kevys yw y'n tekstow, dhe wir) res yw dhis y asa yndella. Ny vynnav dadhla a-dro dhe'n kas (kyn lever an brassa rann a dus 'hwans A neppyth', orth ow brys vy :-) ). 2.29.33.251 20:26, 29 Gortheren 2013 (UTC)

Blah blah blah. Yma mater brassa omma, nyns yw oll an flows ma a-dro dhe lytherenieth ha breselyow flamm mes red herring. Ny'm beus hwans a dhadhla hemma namoy. Yma chons dhe wruthyl asnodh splann rag Kernewegoryon. Hwi a'gas beus dewis, Branvras ha'n IP dihanow, kepar ha tus freth erel na vynn dos dhe'n wiasva: hwi a yll gweres dhe dhisplegya an wiasva rag Kernewegoryon oll, po hwi a yll bos heb gul tra vyth omma marnas krodhvola y'n folennow keskows. My, ha piwpynag ken a gevro, a bes genowgh po hebdhowgh. --Moon (keskows) 21:05, 30 Gortheren 2013 (UTC)

NoticesChanjya

The various notes, notices and announcements left here over the last few years have been moved to an archive. Arthur Kerensa (keskows) 16:29, 4 Kevardhu 2017 (UTC)