Askorn

Askorn yw gwias doos kalghek tellek diwedhyn a furv an brassa rann a gorf eskern mellkeynogyon. Hen er Brythonek yw, kevys y'n Vocabularium Cornicum (kyns an kynsa us yn Kembrek y'n 12ves kansvledhen). Porpos eskern yw gweres an korf dhe waya, ha skoodhya ha difres an organow a-bervedh. An klopen a dhifres an ympynnyon, ha kowel an brest a dhifres an golon ha skevens. An awen hag eskern an dhiwvogh a skoodh keherow an enep, a weres ni dhe dhybri ha minhwerthin. An iskow po pelvis a dhifres an organow dinythi, ha mellkeynow korden an keyn.

Bone, England, 1870-1909 Wellcome L0057379.jpg
Ensampel a klass a gesweyth korfoniethel, class of anatomical entity Edit this on Wikidata
Klass organ eneval, askorras eneval, particular anatomical entity Edit this on Wikidata
Rann a korf eskern Edit this on Wikidata
Synsys ynno/i mer eskern Edit this on Wikidata
Commons page Restrennow kelmys war Gemmyn Wikimedia
Delinyans a askorn an vordhos dhyworth Gray's Anatomy

Askorn yw gwias byw, ha res yw dh'aga mentena der omoberi ha dybri boos kepar ha leth ha spinach rag kavos kalciom. Mer an eskern a wra kellow goos rudh.

Omgemeryansek yw askorn rag askorra kellow an goos ha gwitha monyow. Stoff skav mes krev yw askorn. Kevys yns i yn lies shap. Yma 206 askorn dyffrans yn korf eskern tevesik, ha 270 yn baban.

Niver a glevesow ha kudynnow a yll effeythya eskern. I a gomprehend:

  • Fakel mellow (arthritis)
  • Torrow
  • Kanker askorn
  • Kleves askorn brew (osteoporosis)
  • Fagel askorn (osteomyelitis)

Skeusennow dewyn-X a yll diskudha natur torrow po kanker eskern.